រាជធានីភ្នំពេញ ៖ បុរសម្នាក់ស្លាប់ភ្លាមៗនៅនិងកន្លែង ខណៈត្រូវរថយន្តដឹកឥដ្ឋមួយគ្រឿងបើកបុកទាំងកំរោល និងអូសជាង១០ម៉ែត្រ កាលពីវេលាម៉ោង០៨ និង៣០នាទីយប់ថ្ងៃទី២៨ ធ្នូ ២០១៤ នេះ ស្ថិតនៅចំណុចផ្លូវជាតិលេខ៣ ក្នុងភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ ។
ប្រភពបានឱ្យដឹងថា ជនរងគ្រោះដែលស្លាប់ឈ្មោះស៊ុន សំណាង អាយុ៣២ឆ្នាំ មានទីលំនៅភូមិពោធិ៍ដុះ ឃុំបាគោ ស្រុកកណ្តាលស្ទឹង ខេត្តកណ្តាល ។ ចំណែកឯអ្នកបើកបររថយន្តបង្កឈ្មោះសៅ ងួន អាយុ៥៨ឆ្នាំ មានទីលំនៅក្នុងភូមិអង្គតាសោម ស្រុកត្រាំកក់ ខេត្តតាកែវ។
ប្រភពបន្តថា មុនពេលកើតហេតុ គេឃើញរថយន្តម៉ាកហ៊ីយ៉ាន់ដាយដឹកឥដ្ឋ ពណ៌សមួយគ្រឿង ធ្វើដំណើរពីត្បូងទៅជើង លុះមកដល់ចំណុចកើតហេតុ បានជែងជាមួយរថយន្តមួយគ្រឿងទៀត ក៏ជ្រុលទៅបុកម៉ូតូម៉ាកហុងដា C125 ស៊េរី២០១៥ ពាក់ស្លាកលេខភ្នំពេញ 1CF-0454 មួយគ្រឿង បណ្តាលឱ្យកិននិងអូសជនរងគ្រោះចម្ងាយ១០ម៉ែត្រទើបរបូតចេញពីកង់រថយន្តវិញ និងបានអូសម៉ូតូទៅចម្ងាយ៥០ម៉ែត្រទៀតផងដែរ ។
ទោះបីយ៉ាងណា ម្ចាស់រថយន្តបង្កត្រូវបានសមត្ថកិច្ចធ្វើការឃាត់ខ្លួនបានភ្លាមៗដែរ ។
ប្រភពពី:កោះសន្តិភាព
Post a Comment
EmoticonClick to see the code!
To insert emoticon you must added at least one space before the code.