រាជធានីភ្នំពេញ ៖ រនាំងដែកពុះចែកទ្រូងផ្លូវចំនួន៥ផ្ទាំងត្រូវបានបាក់នឹងដួលរប៉ាត់រប៉ាយពេញតែផ្លូវដោយសាររថយន្តកូរ៉ូឡាពណ៌ខៀវ១គ្រឿងបើកបរដោយបុ រសស្រវឹងស្រាម្នាក់បើកបុកបាក់កាលពីវេលាម៉ោង២នឹង៤៥នាទីទៀបភ្លឺឈាន ចូលថ្ងៃទី២៨ ខែធ្នូ ឆ្នាំ២០១៤ នៅចំណុចមុខផ្សារពោធិចិនតុង តាមបណ្តោយមហាវិថីសហព័ន្ឋរុស្ស៊ី ស្ថិតនៅក្នុងសង្កាត់កាកាប ខណ្ឌពោធិសែនជ័យ ។ នៅកន្លែងកើតហេតុសមត្ថកិច្ចមិនទាន់ស្គាល់អត្តសញ្ញាណបុរសស្រវឹងស្រាអ្នកបើកបររថយន្តបង្កហេតុនៅឡើយទេ។
តាមការឱ្យដឹងពីមន្រ្តីនគរបាលចរាចរខណ្ឌពោធិសែនជ័យបានឱ្យដឹងថាមុនពេលកើតហេតុ គេឃើញរថយន្តកូរ៉ូឡាពណ៌ខៀវ១គ្រឿង ពាក់ស្លាក លេខស្វាយរៀង 2A-0454បើកបរដោយបុរសស្រវឹងស្រាម្នាក់បាន ធ្វើដំណើរយ៉ាងលឿនតាមបណ្តោយមហាវិថីសហព័ន្ឋរុស្ស៊ីក្នុងទិសដៅពីកើតទៅលិច ស្រាប់តែមកដល់ចំណុចកើតហេតុក៏បានព្យាយាមបើកវ៉ាជាមួយរថយន្ត១គ្រឿងនៅពីមុខទើបបានរេចង្កូតជ្រុលទៅបុករនាំងដែកពុះចែកទ្រូងផ្លូវបាក់អស់៥ផ្ទាំងរួចព្យាយាមបើករត់គេចរហូតដល់មុខប្រលានយន្តហោះពោធិចិនតុងទើបត្រូវសមត្ថកិច្ចធ្វើការឃាត់បានទាំងអ្នកបើកបរនឹងរថយន្ត ។
ក្រោយពេលកើតហេតុសមត្ថកិច្ចបានធ្វើការស្ទូចយករថយន្តនឹងនាំយកអ្នកបើកបរខាងលើទៅការិយាល័យចរាចរជើងគោកនៃស្នងការដ្ឋាននគរបាលរាជធានីភ្នំពេញដើម្បីធ្វើការដោះស្រាយទៅតាមផ្លូវច្បាប់។
ប្រភពពី:កោះសន្តិភាព
Post a Comment
EmoticonClick to see the code!
To insert emoticon you must added at least one space before the code.