ភ្នំពេញ៖សមត្ថកិច្ចនគរបាលព្រហ្មទណ្ឌខណ្ឌដង្កោឃាត់ខ្លួនជនសង្ស័យម្នាក់មកសួរនាំជុំវិញការ ដែលបក្ខពួករបស់ខ្លួនលួចយកម៉ូតូប្រជាពលរដ្ឋ១គ្រឿងទៅបាត់បង្ករការភ្ញាក់ផ្អើលកាលពីវេលា ម៉ោង៣និង០០រសៀល ថ្ងៃទី២១ ខែធ្នូ ឆ្នាំ២០១៤ នៅម្តុំរោងស្នាក់នៅកម្មករសំណង់ ស្ថិតក្នុង បុរីពិភពថ្មី ភូមិថ្មី សង្កាត់ដង្កោ ខណ្ឌដង្កោរាជធានីភ្នំពេញ។ ជនសង្ស័យដែលកម្លាំងនគរបាលប៉ុសិ៏្តរដ្ឋបាលដង្កោឃាត់ខ្លួនមកសួរនាំនោះមានឈ្មោះ ឈឿន ទូ ភេទប្រុស អាយុ២៧ ឆ្នាំ មុខរបរកម្មករសំណង់នៅតាខ្មៅ មានស្រុកកំណើតនៅភូមិ សំឡងលីប ស្រុកមេសាង ខេត្តព្រៃវែង។
សមត្ថកិច្ចក៏បានដកហូតម៉ូតូ១គ្រឿងម៉ាកសេ១២៥ ព៌ណខ្មៅ ពាក់ស្លាកលេខភ្នំពេញ1BI-5019 ជារបស់ជនសង្ស័យ។ ចំណែកម្ចាស់ម៉ូតូមានឈ្មោះ ឡាយ ម៉ៅ ភេទប្រុសអាយុ៣០ឆ្នាំ កម្មការិនី មានស្រុកកំណើតនៅភូមិប្រាសាទ ឃុំប្រាសាទ ស្រុកកំពង់ត្របែក ខេត្តព្រៃវែង។ ម៉ូតូដែលជនសង្ស័យលួចយកទៅបាត់នោះម៉ាកសេ១២៥ ស៊េរី០១១ ពណ៌ខ្មៅ ពាក់ស្លាកលេខព្រៃវែង1D-7615។ ឡាយ ម៉ៅ ម្ចាស់ម៉ូតូបានរៀបរាប់ឲ្យសមត្ថកិច្ចដឹងថា មុនពេលកើតហេតុមានគេនាំគ្នា ផឹកស៊ីនៅក្បែរផ្ទះគាត់ចម្ងាយពីគ្នាប្រហែល៣០ម៉ែត្រ តែជនសង្ស័យដែលលួចម៉ូតូគាត់ទៅបាត់ នោះអត់ផឹកទេឃើញតែដើរចុះដើរឡើង ស្រាប់តែមួយសន្ទុះក៏ឮសម្លេងគេបញ្ឆេះម៉ាស៊ីនម៉ូតូនៅ ពេលនោះប្តីគាត់ក៏និយាយថា អ្នកបញ្ឆេះម៉ូតូហើយក៏រត់ចេញទៅមើលក៏ឃើញជនសង្ស័យម្នាក់ ជិះម៉ូតូគាត់ចេញទៅយ៉ាងលឿន។ ពេលនោះកម្មកររស់នៅជិតខាងក៏ដេញតាមតែមិនទាន់។ បន្ទាប់មកម្នាក់ដែលជិះម៉ូតូមកជាមួយជនសង្ស័យនោះក៏រកជិះម៉ូតូចេញទៅតាមក្រោយតែពលរដ្ឋចាប់ប្រគល់ឲ្យនគរបាលប៉ុសិ៏្តសួរនាំសិន។ ចំណែកបុរសម្នាក់ដែលពលរដ្ឋចោទថាជាបក្ខពួកជនសង្ស័យឌុបគ្នាមកផឹកស៊ីនោះក៏បានប្រាប់សមត្ថកិច្ចថា ខ្លួនបានឌុបគ្នាមកផឹកស៊ីនៅទីនេះមានគ្នា៣នាក់ស្រីម្នាក់ត្រូវជាក្មួយជន សង្ស័យដែលលួចម៉ូតូគេទៅនោះ ហើយគេលួចម៉ូតូចេញទៅខ្លួនអត់បានដឹងទេ។
ប្រជាពលរដ្ឋក៏បានបញ្ជាក់បន្ថែមថា ពួកគាត់បានឃើញជនសង្ស័យមានកូនសោរមួយ ចង្កោម ហើយមុនពេលជនសង្ស័យលួចគេទៅនោះពួកគាត់ឃើញជនសង្ស័យអង្គុយលើម៉ូតូគេ ១គ្រឿងផ្សេងទៀតហើយធ្វើសកម្មភាពអង្រុនកម៉ូតូនោះស៊េរី០១៤ ក្រោយក៏ឃើញដើរទៅលួច ម៉ូតូស៊េរី០១១នោះចេញទៅបាត់ដោយសុវតិ្ថភាព។ ទោះបីជាយ៉ាងនេះក្តីសមត្ថកិច្ចក៏បានបញ្ជាក់បន្ថែមថា ជនសង្ស័យកំពុងឃុំខ្លួនបណ្តោះ អាសន្ននៅអធិការដ្ឋាននគរបាលខណ្ឌដង្កោដើម្បីសួរនាំបញ្ហានេះ ព្រោះកាលពីល្ងាចថ្ងៃទិ២១ធ្នូ ជនសង្ស័យបានទូរស័ព្ទថាគេនិងយកម៉ូតូមកប្រគល់ឲ្យម្ចាស់វិញក៏ប៉ុន្តែជនសង្ស័យអត់បានយកមកវិញនោះទេ ហេតុដូច្នេះសមត្ថកិច្ចកំពុងសួរនាំបក្ខពួក៕
ប្រភពពី: vow-news
Post a Comment
EmoticonClick to see the code!
To insert emoticon you must added at least one space before the code.