លោក អ៊ីវ ឈុនផេង អធិការរងនគរបាលខណ្ឌឬស្សីកែវបានឲ្យដឹងថា កាលពីវេលាម៉ោង២រំលង អធ្រាត្រ ឈានចូលថ្ងៃទី១៩ ខែធ្នូ ឆ្នាំ២០១៤ កម្លាំងនគរបាលប៉ុស្តិ៍ឬស្សីកែវ បានអនុវត្តន៍ តាមដីកាលេខ ៣១៧ ត ព្រ ចុះថ្ងៃទី២០ ខែមិថុនា ឆ្នាំ២០១៤ ដែលចេញដោយលោក កែវ មុន្នី ចៅក្រមជំនុំជំរះសាលាដំបូង រាជធានីភ្នំពេញ បង្គាប់ឲ្យចាប់ខ្លួនជនសង្ស័យម្នាក់ឈ្មោះ ប៊ុត ស្នា ហៅ ស្នា ស្នាក់នៅ ផ្ទះជួលលេខ៤០ ផ្លូវជាតិលេខ៥ ក្រុមទី១៤ ភូមិផ្សារតូច សង្កាត់ទួលសង្កែ ខណ្ឌឬស្សីកែវ ចាប់ខ្លួននៅចំណុច ផ្លូវបេតុង ផ្លូវលេខ៤៣០ ក្រុមទី៣ ភូមិឃ្លាំងសាំង សង្កាត់ឬស្សីកែវ ពីបទអំពើលួច ប្រព្រឹត្តឡើងកាលពីថ្ងៃទី១៩ ខែធ្នូ ឆ្នាំ២០១៣ នៅចំណុចផ្លូវលេខ៧៧ ផ្លូវលេខ៤៣០ ក្រុមទី៣១ ភូមិទី៤ សង្កាត់ទួលទំពួងទី២ ខណ្ឌចំការមន ដកហូតម៉ូតូ ០១ គ្រឿង ម៉ាក សេ១២៥ ពណ៍ខ្មៅ ពាក់ស្លាកលេខ ភ្នំពេញ 1CS-5372 ។
ក្រោយពីឃាត់ខ្លួនជនសង្ស័យរួចហើយ ជនសង្ស័យក៏បានឆ្លើយសារភាពថា គេមានបក្ខពួក២នាក់ទៀត ទី១ឈ្មោះ សយ ខួច និង ទី២ឈ្មោះ រុណ រ៉ា ហៅ ឆ្លូញ បានធ្វើសកម្មភាព លួចម៉ូតូ១គ្រឿង ម៉ាកស៊ុយហ្ស៊ូគីនិច ពណ៌ស ស៊េរីឆ្នាំ ២០១៤ ពាក់ស្លាកលេខ ភ្នំពេញ 1CJ-6244 កាលពីវេលាម៉ោង៣រសៀល ថ្ងៃទី២៧ ខែវិច្ចិកា ឆ្នាំ២០១៤ នៅផ្ទះលេខ១១១៦ ផ្លូវបេតុង ក្រុមទី១៤ ភូមិ បឹងសាឡាង សង្កាត់ឬស្សីកែវ ខណ្ឌឬស្សីកែវ ពីជនរងគ្រោះឈ្មោះ វ៉ាន់ ភារិត ភេទប្រុស អាយុ១៩ឆ្នាំ ជានិស្សិត ដែលបច្ចុប្បន្នរស់នៅផ្ទះកើតហេតុ ។ លោកអធិការបានបន្តទៀតថា ក្រោយពីទទួលបានការសារភាពបែបនេះ ទើបសមត្ថកិច្ចចេញ ប្រតិបត្តិការចុះស្រាវជ្រាវដោយមានការបញ្ជាផ្ទាល់ពីលោកវរសេនីយ៍ទោ ទៀង ច័ន្ទសារ អធិការនគរបាលខណ្ឌឬស្សីកែវ រហូតឈានទៅដល់ការឃាត់ខ្លួនបានក្រុមជនសង្ស័យជាបន្តបន្ទាប់ ទាំងអស់សរុបចំនួន៦នាក់ ក្នុងនោះ២នាក់ ជាអ្នកទទួលផលចោរកម្ម ៕
ប្រភពពី: vow-news
Post a Comment