រាជធានីភ្នំពេញ ៖ កាលពីរសៀលថ្ងៃទី២០ ធ្នូ ២០១៤ កំលាំងសមត្តកិច្ចនគរបាលព្រហ្មទណ្ឌកម្រិតស្រាល រាជធានីភ្នំពេញ ដឹកនាំដោយលោកវរៈសេនីយ៍ទោ ប៊ុន សត្យា ជាប្រធានការិយាល័យនឹងមានការសម្របសម្រួលពីសំណាក់ស្ថាបន័អយ្យការ បានឆ្មក់ទៅចាប់អ្នកកត់កន្ទុយលេខកំប៉ិចកំប៉ុកនៅ ក្នុងផ្សារអូឬស្សី ចំនួន១១នាក់ មានប្រុសមានស្រ្តី នឹងមានខ្លះអ្នកកត់ នឹងខ្លះអ្នកទៅចាក់ដែល ភាគច្រើនពួកគាត់សុទ្ធសឹងជាអាជីវករលក់ដូរក្នុងផ្សារ ។
ជាមួយនោះផងដែរសមត្តកិច្ចមានការដកហូតនូវវត្ថុតាងមួយចំនួនដែលពាក់ព័ន្ធ នឹងល្បែងកន្ទុយលេខខុសច្បាប់ព្រមទាំងប្រាក់រៀល នឹងដុល្លារជាច្រើន ច្រកការុងនាំទៅកាន់ស្នងការដ្ឋាននគរបាលរាជធានីភ្នំពេញ ។ ក្រោយពីឃាត់ខ្លួនអ្នកកត់ នឹងអ្នកលេងកន្ទុយលេខ១១នាក់នោះ ត្រូវបានសមត្ថកិច្ចកំពុងធ្វើការសាកសួរ ហើយយប់នេះនឹងរហូតដល់ថ្ងៃស្អែកទំនងពួគគេមិនអាចទាន់បានវិលមកផ្ទះវិញទេ ព្រោះបើតាមសមត្តកិច្ចបញ្ជាក់ថាទុកចំម្រាញ់មើលសិន រកឲ្យឃើញថាតើអ្នកណាជាមេកន្ទុយលេខ ពិតពិតប្រាកដនឹងអ្នកណាគ្រាន់តែជាអ្នកទៅចាក់លេងធម្មតា ដើម្បីញែកឲ្យដាច់សំរាប់ដាក់ បន្ទុកជនត្រូវចោទបញ្ជួនទៅសាលាដំបូងរាជធានីភ្នំពេញ នឹងអ្នកមិនត្រូវចោទអនុញាតិឲ្យគេ បានវិលទៅផ្ទះវិញ ។
លោកឡេង គឹមស្រុង ប្រធានគណៈកម្មការផ្សារអូឬស្សីបានថ្លែងឲ្យដឹង ថា កន្លងមកលោកធ្លាប់បានហៅក្រុមអាជីវករអ្នកនិយមលេងល្បែងកន្ទុយលេខប្រមាណ៤.៥ តូបនោះទៅធ្វើការណែនាំ នឹងបានឲ្យធ្វើកិច្ចសន្យាច្រើនលើកហើយ រហូតមុនពេលសមត្តកិច្ច នគរបាលព្រហ្មទណ្ឌចុះទៅបង្រ្កាប១ថ្ងៃ លោកក៏បានឲ្យក្រុមសន្តិសុខផ្សារហៅពួកគាត់មកធ្វើ កិច្ចសន្យាម្តងទៀត នឹងបានប្រមានឲ្យបញ្ឍប់មុខរបរកត់កន្ទុយលេខនេះ តែពួកគេមិនព្រមឈប់នៅមានលួចលាក់កត់កន្ទុយលេខនោះធ្វើឲ្យនគរបាលព្រហ្មទណ្ឌចុះទៅចាប់ ។
អាជីវករលក់ដូរក្នុងផ្សារអូឬស្សីមួយចំនួនបានពេបជ្រាយ ចំពោះទង្វើរបស់សមត្តកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញថារាល់ថ្ងៃបទល្មើសចោរលួចឆក់ប្លន់ នឹងបទមជ្ឍឹមជាច្រើនទៀតមិនបញ្ចេញសកម្មភាពបង្រ្កាបឲ្យបាន ឃើញមានស្នាដៃធំធេងទេ បែជាគិតគួនឹងយកចិត្តទុកដាក់រឿងអ្នកកត់កន្ទុយលេខកំប៉ិចកំប៉ុកទៅវិញ ។
ដូច្នោះពួកគេចាំមើលទៀតថា តើវាសនាក្រុមអាជីវករទាំង១១នាក់នោះ មានអ្នកណាខ្លះបានរងនូវការចោទ ប្រកាន់ ហើយមានអ្នកខ្លះនឹងត្រូវបានរួចខ្លួន ? ពេលនេះស៊ីសងយីអ៊ុន ។
Post a Comment