រាជធានីភ្នំពេញ ៖ សពយុវជនម្នាក់ត្រូវបានប្រជាពលរដ្ឋប្រទះឃើញចង.ក ស្លាប់នៅនឹងរបងមុខផ្ទះប្រជាពលរដ្ឋមួយកន្លែង បង្កឱ្យមានការភ្ញាក់ផ្អើលកាលពីវេលាម៉ោង ៣ ទៀបភ្លឺ ថ្ងៃទី ២១ ធ្នូ ២០១៤នេះនៅចំណុចមុខផ្ទះលេខ៤១០ ខាងក្រោយប៉ុស្តិ៍នគរបាលកាកាប ស្ថិតក្នុងភូមិតាងួន សង្កាត់កាកាប ខណ្ឌពោធិ៍សែនជ័យ ។ សពយុវជនខាងលើមិនទាន់ស្គាល់អត្តសញ្ញានោះទេ ហើយក៏មិនទាន់ដឹងពីមូលហេតុនៃការចង.ក ធ្វើអត្តឃាតបណ្តាលមកពីរឿងអ្វីនោះដែរ។ បើតាមប្រភពព័ត៌មានពីប្រជាពលរដ្ឋដែលនៅក្បែរកន្លែងកើតហេតុបានឱ្យដឹងថា យុវជនខាងលើគេតែងតែសង្កេតឃើញដើរចុះឡើងនៅចំណុចកើតហេតុ។ពេលនេះសមត្ថកិច្ចកំពុងតែធ្វើការពិនិត្យ សាកសពដើម្បីដឹងថា សពយុវជនខាងលើស្លាប់ដោយសារមូលហេតុអ្វីឱ្យប្រាកដ ? ដោយចង.កធ្វើអត្តឃាត ឬជាករណីឃាតកម្ម ។
Post a Comment