សមត្ថកិច្ចបានឲ្យដឹងថា ក្រោយពីបាន ទទួលពាក្យបណ្តឹង ពីឪពុកម្តាយក្មេងស្រី ដោយមិនដឹងថា កូនខ្លួនទៅណាមកណា និងការភ័យខ្លាច និងមានគ្រោះថ្នាក់ អ្វីកើតឡើង ចំពោះកូនស្រី ទើបសំរេចចិត្ត មករកសមត្ថកិច្ច ឲ្យជួយអន្តរាគមន៍តែម្តង។ ពេលនោះ សមត្ថកិច្ច បានតាមដានស្រាវជ្រាវ ឈានទៅឃាត់ខ្លូន ជនសង្ស័យទាំង ៣នាក់ខាងលើ បញ្ជូនមកកាន់មូលដ្ឋានអាវុធហត្ថ ក្រុងប៉ោយប៉ែត ដើម្បីសួរនាំ និងបានសារភាពថា ពួកខ្លួនពិតជា បាននាំក្មេងស្រីខាងលើ ដើរលេងប្រាកដមែន។
ជនសង្ស័យទី១, ឈ្មោះ ជា ពន្លឺ ភេទប្រុស អាយុ ១៧ឆ្នាំ ទី២,ឈ្មោះ គឹម លុយ ភេទស្រី អាយុ ១៧ឆ្នាំ និងទី៣,ឈ្មោះ វុយ ពិសី ភេទស្រី អាយុ ១៧ឆ្នាំ ជនសង្ស័យខាងលើ មានទីលំនៅ ភូមិកើតហេតុខាងលើ ចំណែកឯក្មេងស្រីរងគ្រោះ មានឈ្មោះ ព្រំ សីហា ភេទស្រី អាយុ ១២ឆ្នាំ រស់ភូមិជាមួយគ្នា។ បើតាមការអះអាង ពីក្មេងស្រីរងគ្រោះ បានឲ្យដឹងថា កាលពីថ្ងៃទី១៦ ខែធ្នូ ជនទាំង ៣នាក់ ខាងលើនេះ បាននាំនាងទៅដើរលេង នៅតាមក្លិប តាមហាងខារ៉ាអូខេ និងបាននាំគ្នាទៅដេក នៅតាមផ្ទះសំណាក់ ផងដែរ៕
ប្រភពពី: yolprom
Post a Comment