ភ្នំពេញ ៖ មួយរយះពេលខ្លីមកនេះនៅក្នុងភូមិសាស្ត្រខណ្ឌមានជ័យ ជាពិសេសភូមិសាស្ត្រ សង្កាត់បឹងទំពុន និងសង្កាត់ស្ទឹងមានជ័យ គេសង្គេតឃើញមានអំពីបាញ់ ឆក់ ប្លន់ប្រដាប់អាវុធនៅតែ បន្តកើតហេតុជារឿយៗ ស្របពេលដែលលោកតេង ស៊ីណូ អតីតអធិការរងនគរបាលខណ្ឌច្បារអំពៅ ដែលត្រូវបានផ្លាស់តំណែងឡើងមកកាន់ជាអធិការនគរបាលខណ្ឌមានជ័យ កាលពីពេលថ្មីៗ ។
ជាក់ស្តែងនៅវេលាម៉ោង២១ និង ០០នាទីកាលយប់ថ្ងៃទី២២ ខែធ្នូ ឆ្នាំ២០១៤ មានករណីប្លន់ ប្រដាប់អាវុធមួយ ជនសង្ស័យ២នាក់ជិះម៉ូតូមួយគ្រឿងម៉ាកស្មាស ធ្វើសកម្មភាពភ្ជង់ប្លន់ម៉ូតូម៉ាកស្គុបពី ស៊េរីឆ្នាំ ២០១៤ ពណ៌ស ពាក់ស្លាកលេខ ភ្នំពេញ 1CH-0035 ពីនារីម្នាក់មានឈ្មោះវីន សាវនី អាយុ៣១ឆ្នាំ ភេទស្រី ស្នាក់នៅជិតកន្លែងកើតហេតុ បានសម្រេចដោយសុវត្ថិភាព។ និង២ករណីទៀត ដែលករណីទីមួយ ជនសង្ស័យមួយក្រុមមានគ្នា៥នាក់ ធ្វើសកម្មភាពភ្ជង់ប្លន់យកម៉ូតូម៉ាកស្គុបពី ស៊េរីឆ្នាំ២០១៤ពីស្ត្រី២ នាក់រួមជាមួយក្មេងម្នាក់ បានសម្រេច កាលពីវេលាម៉ោង ២០ និង ៣០នាទីយប់ ថ្ងៃទី១០ ខែធ្នូ ឆ្នាំ២០១៤ និងករណីទី២ជនសង្ស័យ មួយក្រុមមានគ្នា៥ទៅ ៦នាក់ធ្វើ សកម្មភាពវាយ ដោយដៃប្លន់យកម៉ូតូ ពីយុវជនម្នាក់បានសម្រេចដោយសុវត្ថិភាពនៅចំណុច ក្រោមស្ពានអាកាស ស្ទឹងមានជ័យ ស្ថិតក្នុងភូមិមានជ័យ១ សង្កាត់ស្ទឹងមានជ័យ បានសម្រេចដោយសុវត្ថិភាព និងករណី ទី២ កាលពីយប់ថ្ងៃទី១៨ ខែធ្នូ ឆ្នាំ២០១៤ ។
សូមបញ្ជាក់ថា ចំពោះភូមិសាស្ត្រខណ្ឌមានជ័យខាងលើ កន្លងមករហូតមកទល់បច្ចុប្បន្ន អំពើ បាញ់ ឆក់ ប្លន់ និងអំពោះអសន្តិសុខផ្សេងៗ សម្រាប់ភូមិសាស្ត្រខណ្ឌមួយនេះនៅតែបន្តកើតមានជា រឿយៗ ជាពិសេសស្របពេលដែលលោកតេង ស៊ីណូអធិការនគរបាលខណ្ឌមានជ័យថ្មីដែលផ្លាស់ពី អធិការរងនគរបាលខណ្ឌច្បារអំពៅ ឡើងមកកាន់ដំណែកបានជាង២អាទិត្រនោះ គឺលោកនៅ បណ្តោយអោយករណីទាំងអស់នេះកើតមានជា បន្តបន្ទាប់ ហាក់ជាលោកអធិការគ្មានចំណាត់ការ ឬវិធានការល្អណាមួយ ក្នុងទប់ស្កាត់បទល្មើសកុំអោយកើតមានក្នុងមូលដ្ឋានរបស់ខ្លួន ជាពិសេសការ ដាក់កម្លាំងពង្រាយតាម បណ្តាគោលដៅនានា គឺនៅមិនទាន់មានរបៀបរៀបរយល្អ ជាក់ស្តែងដូចជា ករណីប្លន់កាលពីយប់ថ្ងៃ ទី២២ ថ្មីៗ គឺគេមិនបាន ឃើញមានកម្លាំងសមត្ថកិច្ចមូលដ្ឋានចុះអន្តរាគមន៍ ទាន់ពេលវេលានោះទេ ទុកអោយជនរងគ្រោះនៅកន្លែងកើតហេតុតែម្នាក់ឯងទាំងមានការភិនភ័យ និង តក់ស្លុតនៅក្នុងខ្លូនរកពាក្យអ្វីថ្លែងមិនចេញ ។
ប្រជាពលរដ្ឋ ក៏ដូចជាអ្នកដែលរស់នៅក្នុងភូមិសាស្ត្រខណ្ឌមានជ័យទាំងអស់បានសំណូមពរ អោយលោកអធិការតេង ស៊ីណូ មេត្តាបង្កើនការដាក់ពង្រាយកម្លាំងអោយបានតឹងរឹងក្នុងមូលដ្ឋាន ក្នុងការការពារ សន្តិសុខសុវត្ថិភាពជូនពួកគាត់ និងគួរមានវិធានការណាមួយក្នុងការទប់ស្កាត់បទ ល្មើសក៏ដូចជា អំពើអសន្តិសុខផ្សេងៗ កាប់ ចាក់ ក្មេងទំនើង និងអ្វីដែលជាការកត់កម្គាល់នោះគឹ ល្បែងកន្ទុយលេខមួយចំនួនធំក្នុងភូមិសាស្ត្រខណ្ឌមានជ័យដែល លោកអធិការមិនទាន់មានចំណាត់ ការដើម្បីបង្ក្រាបបទល្មើសទាំងអស់នេះនៅឡើយ ឬមួយក៏លោក អធិការមិនហ៊ានបង្ក្រាបព្រោះតែ ទទួលបានលាភសការះបន្តិចបន្តួច ពីក្រុមអ្នករកស៊ីល្បែងកន្ទុយលេខទាំងនោះ.?
ប្រភព:yobminh
Post a Comment