ប្រភពបានឱ្យដឹងថា ម្ចាស់ស្រែត្រូវបានគេស្គាល់ឈ្មោះ ឡុម ឡាយ ភេទប្រុស អាយុ៣៩ឆ្នាំ មានទីលំនៅក្នុងភូមិ-ឃុំកើតហេតុខាងលើ។ ចំណែកអ្នកបើកម៉ាស៊ីនច្រូតស្រូវឈ្មោះ ឡាត់ ភេទប្រុស អាយុ២៨ឆ្នាំ រស់នៅក្នុងភូមិបារ៉ាយ ឃុំបារ៉ាយ ស្រុកបារ៉ាយ ខេត្តកំពង់ធំ និងម្ចាស់ម៉ាស៊ីនឈ្មោះ វុធ ភេទប្រុស រស់នៅភូមិភ្នំ ឃុំស្រុកមង្គលបុរី។
ប្រភពបន្តថា មុនពេលកើត គេឃើញមានអណ្តាតភ្លើងឆាបចេញម៉ាស៊ីនច្រូតស្រូវនោះ គឺពេលដែលច្រូតស្រូវរួចយកគ្រាប់ស្រូវមកបង្ហូរច្រកក្នុងបាវ ខណៈកំពុងតែបង្ហូរស្រាប់តែឆ្លងចរន្តអគ្គិសនីឆេះកម្ទេចកញ្ជ្រាំងនៅជាប់នឹងម៉ាស៊ីន បង្កឱ្យមានការភ្ញាក់ផ្អើលតែម្តង។ ភ្លាមៗនោះ ឃើញកម្លាំងនគរបាលស្រុកអូរជ្រៅ សហការជាមួយប្រជាពលរដ្ឋ ជាច្រើននាក់ រួមទាំងមានរថយន្តដឹកទឹកលក់ក្នុងភូមិមកជួយអន្តរាគមន៍ផង ទើបភ្លើងនោះរលត់ និងមិនបង្កឱ្យរាលដាលឆេះដល់ស្រូវរបស់ប្រជាពលរដ្ឋឡើយ។
ប៉ុន្តែ ក្រោយបញ្ចប់ ការជួយអន្តរាគមន៍ពន្លត់ទាន់ពេលវេលាខាងលើនោះ ស្រាប់តែមានករណីឆេះស្រូវ និងជញ្ជ្រាំងក្នុងស្រែ របស់ប្រជាពលរដ្ឋ ផ្សេងទៀត នៅស្រុកភ្នំស្រុក បណ្តាលឲ្យ រងការខូចខាតស្រូវ ប្រមាណ៤ហិចតា។ មន្រ្តីនគរបាលខេត្តបន្ទាយមានជ័យ បានថ្លែងឲ្យដឹងថា ហេតុការណ៍ឆេះស្រូវ និង ជញ្ជ្រាំង របស់ប្រជាកសិករនៅស្រុកភ្នំស្រុក បណ្តាលមកពីការបោះចោលកន្ទុយបារី។
រូបភាពពេលកំពុងឆាបឆេះ
ប្រភពពី:yolprom
Post a Comment