អ្នកនាង ចន ច័ន្ទលក្ខិណា ប្រាប់ថា វាគឺជារឿងល្អបំផុតសម្រាប់សិល្បករ ផលិតករ និងអ្នកពាក់ព័ន្ធក្នុងការផលិតខ្សែភាពយន្ត។ នាងលើកឡើងថាការប្រកួតប្រជែងលើទីផ្សារសេរីប្រាកដណាស់ថាវាគឺជារឿងមិនល្អប៉ុន្តែការពន្យាពេលក្នុងការចាក់បញ្ចាំងខ្សែភាពយន្តបរទេសក្នុងម៉ោងពិសេសពិតជារួមចំណែក្នុងការបង្កើតការងារដល់សិល្បករនិងផលិតករដែលបច្ចុប្បន្នមិនមានការងារច្រើនសម្រាប់រកចំណូល។ តារាសម្តែងស្រីវ័យ៣៤ឆ្នាំរូបនេះទទួលស្គាល់ដែរថាគុណភាពខ្សែភាពយន្តខ្មែរគឺនៅមានកម្រិតទាបនៅឡើយបើធៀបនឹងខ្សែភាពយន្តបរទេសពិសេសថៃ កូរ៉េ និងហុងកុងជាដើមដូចនេះមិនមែនបម្រាមរបស់ក្រសួងគ្រប់គ្រាន់ទេក្នុងការជួយលើកកម្ពស់វិស័យភាពយន្តខ្មែរឲ្យមានការរីកចម្រើន អ្វីដែលសំខាន់ផងដែរគឺសិល្បរ ផលិតករខ្លួនឯងថាត្រូវព្យាយាមពង្រឹងសមត្ថភាព ទេពកោសល្យ របស់ខ្លួនបន្ថែមឲ្យក្លាយជាអ្នកសម្តែងអាជីព និងអ្នកផលិតកុនជំនាញពិតប្រាកដ ។
ទោះជាយ៉ាងណាតារាស្រីរូបនេះចង់ឲ្យរយៈពេលនៃបម្រាមនៃការចាក់បញ្ចាំងរឿងឬកម្មវិធីរបស់បរទេសនេះមានយ៉ាងហោចណាស់ពីរម៉ោងចាប់ពីម៉ោង៧ដល់ម៉ោង៩ ប៉ុន្តែនាងមិនមានបំណងក្នុងការចេញមុខស្នើទៅកាន់ក្រសួងព័ត៌មានបន្តទៀតទេខណៈដែលកន្លងមកនាងទទួលបានពាក្យរិះគន់ពីមនុស្សមួយចំនួនទាក់ទងនឹងការចេញមុខនេះទេ។ នាងថាការចេញមុខស្នើរទៅកាន់ក្រសួងនេះមិនមែនជាផលប្រយោជន៍នាងតែម្នាក់ឯង ឬការចង់បានមុខមាត់ទេគឺនាងចង់ឲ្យវិស័យភាពយន្តខ្មែររីកចម្រើនខណៈដែលនាងមានវ័យកាន់តែច្រើនដូចនេះមិនអាចសម្តែងជាតួឯក ឬជាស្រីស្អាតរហូតនោះដែរ ។ គួររំលឹកដែរថា កាលពីថ្ងៃទី២២ ខែធ្នូ ឆ្នាំ២០១៤ ក្រសួងព័ត៌មានបានធ្វើការកំណត់ដល់ស្ថានីយទូរទស្សន៍នៅកម្ពុជាទាំងអស់ ត្រូវយកម៉ោង ៧ ដល់ម៉ោង ៨យប់ក្នុង ចាក់ផ្សាយនូវកម្មវិធី និងភាពយន្តខ្មែរដែល ផលិតដោយផលិតករខ្មែរ និងអ្វីដែលរបស់ ខ្មែរសម្រាប់ការចាក់ផ្សាយក្នុងម៉ោងមាស ដោយលែងមានកម្មវិធី ឬខ្សែភាពយន្ត របស់បរទេសទៀត ។
លោក ខៀវ កាញារីទ្ធ រដ្ឋមន្ត្រីក្រសួង ព័ត៌មានមានប្រសាសន៍ ថា វិធានការទប់ស្កាត់លែងឲ្យមានការចាក់ផ្សាយកម្មវិធីឬខ្សែភាពយន្តរបស់បរទេសទៀតនេះគឺធ្វើឡើងដើម្បីឆ្លើយ តបទៅនឹងក្តីកង្វល់របស់ក្រុមផលិតករអ្នកនិពន្ធ និងសិល្បករក្នុងវិស័យសិល្បៈ ភាពយន្តខ្មែរនៅចំពោះមុខលំហូរចូលនៃភាពយន្តបរទេស និងការចាក់ផ្សាយតាមកញ្ចក់ទូរទស្សន៍ក្នុងស្រុកមួយចំនួន។ វិធានការនេះត្រូវបានលោករដ្ឋមន្ត្រី លើកឡើងថានឹងក្លាយជាចលករជួយជំរុញ ដើម្បីឲ្យវិស័យភាពយន្តខ្មែរមានសន្ទុះឆ្ពោះ ឡើងរីកចម្រើនដោយមិនប៉ះពាល់ដល់ដំណើការនៃស្ថានីយទូរទស្សន៍ទាំងឡាយហើយវាគឺជាគោលការណ៍របស់រាជរដ្ឋាភិបាលក្នុងការជួយទៅដល់វិស័យភាពយន្ត៕
បន្តពី:vow-news
Post a Comment