គន្លឹះមួយចំនួន ដើម្បីធ្វើការសម្រេចអំពីប្រាក់កាសរបស់អ្នក នៅមុនដំណាច់ឆ្នាំ

ឆ្នាំថ្មីជិតចូលមកដល់ហើយ ហើយមនុស្សជាច្រើនកំពុងតែគិតអំពីការសម្រេចចិត្ដរបស់ពួកគេនៅក្នុងឆ្នាំ២០១៥។ ប្រហែលជាអ្នកសង្ឃឹមថា នឹងស្រកទម្ងន់បានប៉ុន្មានផោន និងធ្វើឲ្យបានល្អប្រសើរនូវទម្លាប់ទទួលទានអាហាររបស់អ្នក ឬក៏ស្វែងរកការកម្សាន្ដថ្មី។ អ្នកថែមទាំងអាចបញ្ចូលសេចក្ដីសម្រេចមួយចំនួនទៅក្នុងបញ្ជីរបស់អ្នក ប៉ុន្ដែអ្នកមិនត្រូវរង់ចាំរហូតដល់ថ្ងៃទី០១ ខែមករានោះទេ ដើម្បីធ្វើឲ្យប្រាក់ផ្ទាល់ខ្លួនរបស់អ្នកស្ថិតនៅលើផ្លូវត្រឹមត្រូវនោះ។ មានគន្លឹះវៃឆ្លាតមួយចំនួនដើម្បីសម្រេចជាមួយប្រាក់របស់អ្នកនៅមុនដំណាច់ឆ្នាំ។

១-កំណត់ទិសដ៖ មនុស្សជាច្រើនរអ៊ូរទាំអំពីស្ថានភាពប្រាក់កាសរបស់ពួកគេនៅទូទាំងឆ្នាំ ប៉ុន្ដែមិនដែលបានគិតគូរធ្វើឲ្យបានល្អប្រសើរនោះទេ។ ខែធ្នូ គឺជាពេលវេលាដ៏ល្អឥតខ្ចោះដើម្បីអង្គុយ និងឆ្លុះបញ្ចាំងអំពីទិសដៅហិរញ្ញវត្ថុសម្រាប់ឆ្នាំថ្មី។

២-បញ្ឈប់ទម្លាប់ទទួលទានអាហារខាងក្រៅដែលថ្លៃ៖ រកឲ្យឃើញទម្លាប់ដែលនាំឲ្យប្រាក់របស់អ្នកហូរចេញ និងជំនួសដោយរបៀបដែលចំណាយលុយតិចដូចជា បញ្ឈប់ទម្លាប់ទទួលទានអាហារខាងក្រៅ២ដងក្នុងមួយសប្ដាហ៍ អ្នកអាចសន្សំប្រាក់បានរហូតដល់៦០០ដុល្លារនៅក្នុងមួយឆ្នាំ។

៣-ចាប់ផ្ដើមប្រយុទ្ធ Credit card debt: Credit card debt៖ (ប័ណ្ណឥណទានជំពាក់) មិនមែនត្រូវបានលុបបំបាត់ដោយខ្លួនវានោះទេ។ ដូច្នេះឈប់ប្រាថ្នាចង់បានការជំពាក់ប្រាក់តិច និងរកឲ្យឃើញចម្លើយជាមួយនឹងផែនការ ដើម្បីធ្វើឲ្យវាចេញឲ្យឆ្ងាយ។ ប្រសិនបើអ្នកបញ្ឈប់បាននូវទម្លាប់អាក្រក់អំពីប្រាក់នេះដោយជោគជ័យនោះ អ្នកប្រើប្រាស់ការសន្សំសំចៃដើម្បីចាប់ផ្ដើមសងទូទាត់ប័ណ្ណឥណទានជំពាក់។

៤-ធ្វើការសងប្រាក់កម្ចីដែលមានរបស់បញ្ចាំពិសេស៖ ការសងប្រាក់កម្ចីមានរបស់បញ្ចាំ (mortgage) ក្នុងមួយឆ្នាំមិនគ្រាន់តែកាត់បន្ថយបាននូវការបង់ប្រាក់ការនៅក្នុងជីវិតនៃប្រាក់កម្ចីប៉ុណ្ណោះទេ ប៉ុន្ដែវាអាចជួយបញ្ចប់ការសងប្រាក់ mortgage កាន់តែបានឆាប់ និងកសាងនូវចំណែកដែលម្ចាស់ទ្រព្យត្រូវបានតាមចំនួនប្រាក់ដែលបានសង ហើយបានយ៉ាងឆាប់រហ័ស។

៥-និយាយអំពីប្រាក់ជាមួយដៃគូរបស់អ្នក៖ បន្ថែមទៅលើការបង្កើតទិសដៅហិរញ្ញវត្ថុផ្ទាល់ខ្លួនសម្រាប់ឆ្នាំខាងមុននេះ អ្នកក៏ត្រូវពិភាក្សា និងកែប្រែហិរញ្ញវត្ថុគ្រួសារជាមួយដៃគូរបស់អ្នកផងដែរ។ ប្រសិនបើអ្នកចំណាយលើសនៅក្នុងឆ្នាំកន្លងមក ឬមិនបានសន្សំសំចៃឲ្យបានគ្រប់គ្រន់នោះ ត្រូវរកឲ្យឃើញនូវផែនការថ្មីនៅមុនដំណាច់ឆ្នាំ និងចាប់ផ្ដើមថ្មីនៅឆ្នាំ២០១៥។

៦-ប្ដូរលេខសម្ងាត់ (password)៖ មិនថា អ្នកប្រើប្រាស់កិច្ចការធនាគារនៅក្នុងកុំព្យូទ័រ ឬក៏បង់ថ្លៃអ្វីៗតាមអ៊ីនធឺណិតនោះទេ ជាការឆ្លាត អ្នកត្រូវប្ដូរ password របស់អ្នកក្នុងពេលវេលាច្បាស់លាស់។

៧-វាយតម្លៃការធានារ៉ាប់រងខាងសុខភាព៖ ប្រសិនបើការធានារ៉ាប់រងរបស់អ្នកផុតកំណត់នៅដំណាច់ខែនេះ មិនត្រូវបន្ដដោយមិនបានវាយតម្លៃឡើងវិញនូវការធានារបស់អ្នកនោះទេ។

៨-ចាប់ផ្ដើមមូលនិធិសង្គ្រោះបន្ទាន់៖ ប្រសិនបើអ្នកទទួលបាននូវអំណោយជាប្រាក់កាស ឬក៏ប្រាក់លើកទឹកចិត្ដ (bonus) ដំណាច់ឆ្នាំ អ្នកអាចប្រើប្រាស់ប្រាក់នេះដើម្បីចាប់ផ្ដើម ឬក៏បន្ថែមទៅលើកញ្ចប់សុវត្ថិភាពហិរញ្ញវត្ថុរបស់អ្នក។

៩-ពិចារណាធ្វើបញ្ជី៖ វាមិនដែលឆាប់រហ័សពេកនោះទេ ដើម្បីរៀបចំសម្រាប់រដូវពន្ធដារ។ នៅមុនដំណាច់ឆ្នាំ២០១៤ ត្រូវសម្រេចថា តើត្រូវធ្វើជាបញ្ជី ឬក៏មិនត្រូវធ្វើបញ្ជីសម្រាប់ការសងប្រាក់របស់អ្នកនៅឆ្នាំខាងមុខនេះ។

១០-ធ្វើអំណោយសប្បុរសធម៌នៅដំណាច់ឆ្នាំ៖: ប្រសិនបើអ្នកសម្រេចធ្វើបញ្ជីនោះ ត្រូវធ្វើការរួមវិភាគទានសប្បុរសធម៌នៅមុនដំណាច់ឆ្នាំ។ អ្នកអាចធ្វើអំណោយបានគ្រប់យ៉ាង ចាប់ពីប្រាក់រហូតដល់រថយន្ដ៕

ប្រភពពី:vow-news