អារកសត្វយកឈាម ដើម្បីបូជា គំរប់១២១ឆ្នាំ ម៉ៅ សេតុង

ចិន៖ កាលពីថ្ងៃ២៦ ខែធ្នូ កន្លងទៅ គឺជាគំរប់ខួប១២១ឆ្នាំថ្ងៃកំណើតរបស់មេដឹកនាំបដិវត្តន៍កុម្មុយនីស្ត លោក ម៉ៅ សេតុង ហើយដើម្បី បង្ហាញធ្វើការរំលឹកបូជា អ្នកភូមិមួយនៅតំបន់ Shaoshan ទីក្រុង Xiangtan ខេត្ត Hunan ដែលជាស្រុកកំណើតរបស់ ម៉ៅ សេតុង បាននាំគ្នាអារកជ្រូក មាន់ និងសត្វចៀមយកឈាមដាក់ថ្វាយនៅកន្លែងរូបសំណាង Mao Zedong Square។

អ្នកភូមិ Li Dinghong បាននាំគ្នាសំលាប់សត្វចិញ្ចឹមរបស់ពួកគេជាច្រើន ដើម្បីសំរិតយកឈាមមកបូជា ហើយក៏មានព្រះសង្ឃ សៅលីង ជាច្រើន ព្រមទាំងចាស់ៗ នៅសម័យកុម្មុយនីស្ត មកពីតំបន់ផ្សេងៗ ដោយមានកាន់ទង់មានសរសេរ “បក្សកុម្មុយនីស្តយូរអង្វែង (Long Live the Communist Party)” និង “ក្តីសង្ឃឹមរបស់ចិន (China Dream)”។