អ្នកលេងក្បាច់គុនកម្លាំងខ្លាំង កែវ រំចង់ កំពុងខិតខំហ្វឹកហាត់យ៉ាងខ្លាំងជារៀងរាល់ថ្ងៃដើម្បីឲ្យសមត្ថភាពវិជ្ជាគុនឡើងដល់ចំណុចកំពូលវិញដែលកីឡាកររូបនេះធ្លាប់មានកាលពីពីរបីឆ្នាំមុន។ លោក កែវ សំខាង ជាឪពុក និងជាគ្រូបង្ហាត់ផ្ទាល់របស់ កែវ រំចង់ បានឲ្យដឹងថា ថ្វីត្បិតតែកូនរបស់លោកមានបញ្ហាលំបាកបន្តិចបន្តួចដូចជាប្រពន្ធមានសុខភាពមិនសូវល្អ ប៉ុន្តែកូនរបស់លោកបានព្យាយាមហ្វឹកហាត់យ៉ាងខ្លាំង ពីព្រោះរំចង់ឲ្យសមត្ថភាពខ្លាំងដូចមុន។ «គេព្យាយាមណាស់រាល់ថ្ងៃ ទោះជាមិនប្រកួតក៏គេហាត់ដែរ ជាពិសេសរត់រាល់ព្រឹក ដើម្បីកម្លាំងកាន់តែស៊ុហ្វបានយូរ»។
លោក កែវ សំអាងបាននិយាយ។ ចំណែក កែវ រំចង់ វិញបាននិយាយថា ៖«ខ្ញុំចង់ឲ្យមានកម្លាំងខ្លាំង ស៊ុហ្វបានយូរ ជាពិសេសខ្ញុំចង់ឲ្យសាច់ដុំឡើងធំៗ អីចឹងហើយបានខ្ញុំខំហាត់រាល់ថ្ងៃ ទោះជាខ្ញុំមិនប្រកួតក៏ដោយ»។ ជារឿយៗកែវ រំចង់ត្រូវបានគេមើលឃើញថា ជាកីឡាករប្រដាល់ម្នាក់ដែលឧហ្សាហ៍បង្ហោះរូបថតពីសកម្មភាពហ្វឹកហាត់ និងដើរកម្សាន្តសកម្មជាងគេនៅតាមបណ្តាញសង្គម Facebook។ ពេលខ្លះរំចង់ខ្លួនឯងផ្ទាល់បានយករូបថតរបស់ខ្លួនប្រៀបធៀបនឹងអ្នកប្រដាល់សាកលល្បីឈ្មោះ Manny Pacquiao ទៀតផង៕
ប្រភព:vow-news
Post a Comment
EmoticonClick to see the code!
To insert emoticon you must added at least one space before the code.