ខេត្តកំពង់ចាម ៖ លំនៅឋានមួយកន្លែងមានទំហំ៧ គុណ១២ម៉ែត្រ ធ្វើអំពីឈើជញ្ជាំងក្តារ ត្រូវអគ្គិភ័យលេបត្របាក់ខ្ទេចសល់តែគ្រោងសរសរ កាលពីវេលាម៉ោង០៣ និង៣០នាទីរសៀលថ្ងៃទី២៣ ធ្នូ ២០១៤ នេះ ស្ថិតនៅចំណុចភូមិស្រះ ឃុំពពេល ស្រុកពញាក្រែក បន្ទាប់ពីមានយុវជនម្នាក់លួចដុត ខណៈម្ចាស់ផ្ទះមិននៅ ។
ប្រភពបានឱ្យដឹងថា ម្ចាស់ផ្ទះឈ្មោះអ៊ែល និងប្រពន្ធឈ្មោះខ ទីម៉ាស់ មិនបាននៅផ្ទះនោះទេ ជាប់រវល់ចេញទៅធ្វើចម្ការបាត់ ។
លោកវរសេនីយ៍ត្រីអាំ សុផល បញ្ជាក់ថា មានយុវជនញៀនថ្នាំម្នាក់ឈ្មោះអ៊ែល សា អាយុ១៩ឆ្នាំ មានទីលំនៅភូមិថ្មី ឃុំពពេល ស្រុកពញាក្រែក បានដើរមកដល់ផ្ទះនេះ ដោយឃើញម្ចាស់គេមិននៅ បានយកដែកកេះទៅដុត ទើបជាហេតុបណ្តាលឱ្យឆេះផ្ទះគេតែម្តង ។
ពេលនោះ សមតកិច្ចជំនាញបានប្រើប្រាស់ទឹកអស់២រថយន្តផងដែរ ។
Post a Comment