ភ្នំពេញ៖ ក្រុមអ្នកកាសែតចុះថតយកព័ត៌មានរឿងគ្រោះថ្នាក់ចរាចរណ៍ បែរជាជនបង្កប្រើអពើហិង្សានិងបាញ់គំរាមសម្លាប់ អ្នកយកព៏ត៌មាន CNC ហង្សមាស គេហទំព័រ CEN និង TV3 កាលពីវេលា ម៉ោង១២ និង៥០នាទី រំលងអធ្រាត្រឈានចូល ថ្ងៃទី២២ ខែធ្នូ ឆ្នាំ២០១៤នេះ ស្ថិតនៅចំណុចខាងជើងរង្វង់មូលវត្តភ្នំ ក្នុងសង្កាត់ស្រះចក ខណ្ឌដូនពេញ។ ផ្ដើមចេញពីគ្រោះថ្នាក់ចរាចរណ៍ ហើយក្លាយជាបទល្មើសព្រហ្មទណ្ឌ ដោយសារតែវាយតប់ និងដកកាំភ្លើងបាញ់៣គ្រាប់ ចង់បាញ់សម្លាប់ទៅលើអ្នកកាសែតមួយក្រុម ពេលចុះទៅយកព័ត៌មាន និងថតរូបស្ដីពី គ្រោះថ្នាក់ចរាចរណ៍មួយដែល បានកើតឡើងនៅម្តុំកន្លែងកើតហេតុ។
យោងតាមសាក្សីដែលឃើញហេតការណ៍បានរៀបរាប់ថា ដំបូងឡើយគ្រោះថ្នាក់រវាងរថយន្ត និងរថយន្តលើផ្លូវសាធារណៈ ហើយអ្នកកាសែតមួយក្រុមបានចុះមក ផ្តិតយករូបភាពនិងព័ត៌មាន តែបែរជាបក្ខពួកជនបង្ក ដែលអាងអំណាច មួយក្រុមព្រួតគ្នាវាយនិង ប្រើអំពើហិង្សាទាំងកំរោល ព្រមទាំងបាញ់បីគ្រាប់គំរាមចង់សម្លាប់និងបោកកាមមេរ៉ា របស់អ្នកកាសែតទាំងនោះ។ សមត្ថកិច្ចមូលដ្ឋានបានឱ្យដឹងថា មុនដំបូងឡើយដែលនាំឱ្យមានករណី បង្កអំពើហិង្សាមកលើអ្នកកាសែតខាងលើនេះ បានកើតឡើងក្រោយពីរថយន្ដចំនួន២គ្រឿង បានបុកគ្នា ក្នុងនោះរថយន្ដម៉ាកហុងដាហ្វេតពណ៌ក្រហម ពាក់ស្លាកលេខ ភ្នំពេញ 2S-5105 បានជ្រុលទៅបុកគ្នាជាមួយរថយន្តមួយគ្រឿងទៀត ដែរកំពុងចត់ចោល នៅមុខហាងម្ស៉ាសា ដោយរថយន្ដទាំង២រងការខូចខាត។
សមត្ថកិច្ចបានឱ្យដឹងទៀតថា បន្ទាប់ពីមានករណីគ្រោះថ្នាក់ចរាចរណ៍ខាងលើនេះ អ្នកយកព័ត៌មានមកពីតាមអង្គភាពផ្សេងៗ រួមមាន ទូរទស្សន៍ និងកាសែត បាននាំគ្នា ចុះទៅផ្ដិតយករូបភាព និងព័ត៌មាននៅកន្លែងកើតហេតុដូចសព្វមួយដង។ ប៉ុន្ដែនៅពេលដែលក្រុមអ្នកការសែតយកកាមេរ៉ាទៅថត គ្រោះថ្នាក់ចរាចរណ៍នេះ ស្រាប់ តែអ្នកបើកបរមានមនុស្ស១ក្រុមប្រមាណជា១០នាក់ដែលអះអាងនឹងមកកាងរថយន្តបង្កហេតុខាងលើនោះបានមកវាយកាមេរ៉ា និងដាល់អ្នកកាសែតបណ្ដាលឱ្យរងរបួស។ ស្ថានភាពនេះបានធ្វើឱ្យធ្ងន់ធ្ងរទៅៗ ខណៈដែលបក្ខពួកអ្នកបើករថយន្ដ ជាច្រើននាក់បានមកជួយអន្ដរាគមន៍ និងវាយទៅលើអ្នក កាសែតជាច្រើននាក់ ក្នុងនោះបានបណ្ដាល ឱ្យបុគ្គលិក នៅស្ថានីយ៍ទូរទស្សន៍ CNC ហង្សមាស គេហទំព័រ CEN និង TV3 ត្រូវបានបក្ខពួកខាងលើព្រួតមកវាយ។
មិនត្រឹមតែប៉ុណ្ណោះថែមទាំងដក់កាំភ្លើងបាញ់សំដៅមកក្រុមអ្នកការសែត ចំនួនបីគ្រាប់ និងចាប់កាច់កាមមេរ៉ា របស់បុគ្គលិកហង្សមាសបោកចោល បន្ទាប់មកបក្ខពួកគេប្រហែលជាជិត១០នាក់បានទាញ់យកទូរសព្ទ័ របស់អ្នកយកព៏ត៌មានគេហទំព័រ CEN ដែរកំពុងថតយកសកម្មភាពដែលពួកគេវាយមកលើក្រុមអ្នកយកព័ត៌មាននេះទៅបាត់មួយគ្រឿងថែមទៀតម៉ាកអាយហ្វូន។ សាក្សីបានបន្តឲ្យដឹងថា បន្ទាប់ពីមានការប្រតាយប្រតប់ និងប្រើអំពើហិង្សាធ្វើឱ្យ មានការភ្ញាក់ផ្អើលយ៉ាងដូច្នេះ កម្លាំងនគរបាលមូលដ្ឋាន និងសមត្ថកិច្ចពាក់ព័ន្ធបានទៅជួយអន្ដរាគមន៍ ដោយឃាត់ខ្លួនជនបង្ក១ម្នាក់ និងរថយន្តពីរគ្រឿងមួយគ្រឿងម៉ាកកាមរីបាឡែន ពណ៌ស្ត ពាក់ស្លាកលេខនគរបាល 2-8271 និងមួយគ្រឿងទៀតម៉ាកស្តារិចពណ៌ទឹកប្រាក់ ពាក់ស្លាកលេខភ្នំពេញ 2I-2588 យកមកប៉ុស្តិ៍នគរបាលស្រះចក ដើម្បីចាត់ការទៅតាមផ្លូវច្បាប់។
ចំពោះក្រុមអ្នកកាសែត ដែររងគ្រោះក៏បានទៅ ដាក់ពាក្យបណ្ដឹង និងចូលបំភ្លឺនៅកន្លែងសមត្ថកិច្ច ឲ្យធ្វើកាដោះស្រាយទៅតាមផ្លូវច្បាប់។ ទោះយ៉ាងណាក្រុមអ្នកកាសែតបានធ្វើការ សំណូមពរដល់លោក នេត សាវឿន អគ្គនាយកដ្ឋាននរគបាលជាតិ និងលោក ជួន សុវណ្ណ ស្នងការរាជធានី ក៏ដូចជាស្ថាប័នពាក់ព័ន្ធជួយពិនិត្យរឿងនេះផង ព្រោះក្នុងនោះមានអ្នកប្រើប្រាស់អាវុធ និងរថយន្តពាក់ស្លាក លេខន.ប ជាអ្នកបង្កដែលប្រើអំណាចច្បាប់ព្រៃមកលើអ្នកកាសែត គួរបញ្ជាក់ផងដែរថាទង្វើរនេះដែរគឺមិនមែនកើតឡើង លើកទីមួយនោះទេ៕
ប្រភព:vow-news
Post a Comment