ខេត្តមណ្ឌលគិរី ៖ ដោយមានការជឿទុកចិត្តលើកោះសន្តិភាព ដែលជាអង្គភាពសារព័ត៌មានឈានមុខគេក្នុងស្រុក នឹងជាស្ថាប័នសារព័ត៌មាន ដែលតែងបានជួយដល់ទុរគតជននាពេលកន្លងមក។
សប្បុរសជនដែលរស់នៅខេត្តមណ្ឌលគិរី បាននាំគ្នាបរិច្ចានូវថវិកាផ្ទាល់ខ្លួន តាមរយៈកោះសន្តិភាពជូនដល់ លោកយាយលោកតាទុរគតជនចំនួនបីគ្រួសារ រស់នៅស្រុកស្វាយអន្ទរ ស្រុកមេសាង នឹង ស្រុកបាភ្នំ ខេត្តព្រៃវែង ក្រោយពីក្រុមការងារអ្នកយកព័ត៌មានប្រចាំខេត្តមណ្ឌលគិរី បានគៀងគរប្រមូលបាននូវថវិកាមួយចំនួននឹងគ្រឿងឧបភោគបរិភោគ ពីសប្បុរជនដែលរស់នៅខេត្តមណ្ឌលគិរី។
សកម្មភាពមនុស្សធម៌ខាងលើនេះបាន ធ្វើឡើងកាលពីថ្ងៃទី២២ ធ្នូ ២០១៤ ។
គ្រួសារទី១.លោកតា ខាត់ កុល អាយុ៨៤ឆ្នាំ សព្វថ្ងៃរស់នៅភូមិព្រៃឈើទាល ឃុំសំរោង ស្រុកស្វាយអន្ទរ ខេត្តព្រៃវែងបានពិការភ្នែកតាំងពីសម័យប៉ុលពត ហើយបច្ចុប្បន្នលោកតារស់នៅក្នុងគ្រួសារជាមួយកូនស្រីមេម៉ាយឈឺរ៉ាំរ៉ៃម្នាក់ នឹងកូនស្រីវិកលចរិកម្នាក់ ។
មេភូមិព្រៃឈើទាល លោក ឡុង សាត បានឲ្យដឹងថា គ្រួសារលោកតាខាត់ កុល នេះរាល់ថ្ងៃគាត់រស់នៅលំបាកខ្លាំងណាស់ព្រោះគាត់ (តា ខាត់ កុល)ពិការភ្នែកទាំងពីរចាស់ជរា ចំនែកកូនស្រីម្នាក់ដែលមានសតិគ្រប់គ្រាន់ បែរជាមានជំងឺប្រចាំកាយធ្វើការរកស៊ីអ្វីពុំកើត ដោយឡែកកូនស្រីម្នាក់ក៏មានជំងឺឆ្កូតទៀត ។
អំណោយសប្បុរសធម៌ដែលក្រុមការងារអ្នកយកព័ត៌មានប្រចាំខេត្តមណ្ឌលគិរី នាំយកទៅជូនគ្រួសារលោកតា ខាត់ កុល មានដូចជាអង្ករមួយបាវស្មើរ៥០គីឡូក្រាម មី៥០កញ្ចប់ ទឹកស៊ីអីុវមួយយួរ ត្រីខមួយយួរ នឹងថវិការចំនួន២០ម៉ឺនរៀល ។
គ្រួសារទី២.លោកយាយ ចាន់ យឿន អាយុ៨៧ឆ្នាំ សព្វថ្ងៃរស់នៅភូមិក្បាលខ្វែក ឃុំស្វាយជ្រុំ ស្រុកមេសា ខេត្តព្រៃវែង បានធ្លាក់ខ្លួនឈឺងើបពីកន្ទេលជិតដប់ឆ្នាំមកហើយ ។
បច្ចុប្បន្នលោកយាយរស់នៅជាមួយកូនស្រីមេម៉ាយម្នាក់ លើខ្ទមស្លឹកត្នោតរហែករយីរយ៉ាក នឹងចៅៗចំនួន៨នាក់ក្នុងបន្ទុក ។ លោកព្រឹម ហឿន មេភូមិក្បាលខ្វែក បានឲ្យដឹងថា លោកយាយ ចាន់ យឿន បានធ្លាក់ខ្លួនឈឺបន្ទាប់ពីលោកយាយ ក្លាយជាមេគ្រួសារព្រោះប្តីលោកយាយបានស្លាប់យូរណាស់មកហើយ ។
អំណោយសប្បុរសធម៌មពីក្រុមការងារដែលអ្នកយកព័ត៌មានប្រចាំខេត្តមណ្ឌលគិរីយកទៅជូនគ្រួសារលោកយាយ មានដូចជាអង្ករមួយបាវស្មើរ៥០គីឡូក្រាមមី៥០កញ្ចប់ ទឹកស៊ីអីុវមួយយួរ ត្រីខមួយយួរ នឹងថវិការចំនួន១៥ម៉ឺនរៀល ។
គ្រួសារទី៣.លោកយាយ ឡៃ ម៉ៃ អាយុ៨៥ឆ្នាំ សព្វថ្ងៃរស់នៅភូមិកាឡីខាងត្បូង ឃុំស្ពឺ(ក) ស្រុកបាភ្នំ ខេត្តព្រៃវែង ។ បច្ចុប្បន្នលោករស់នៅម្នាក់ឯង ពុំមានកូនចៅទេ ហើយប្តីរបស់លោកយាយត្រូវបានប៉ុលពតយកទៅសម្លាប់តាំងពីឆ្នាំ១៩៧៥មកម៉្លេះ ។
អ្នកភូមិ រស់នៅជិតខាងលោកយាយបានឲ្យដឹងថា រាល់ថ្ងៃនេះលោកយាយពុំអាចរកចំនូលអ្វីមកចិញ្ចឹមជីវិតបានឡើយ ក្រៅពីអ្នកជិតខាងនឹងកូនក្មួយមួយចំនួន ជួយឧបត្តមបានបន្តិចបន្តួច ។ ហើយរាល់ថ្ងៃនេះលោកយាយក៏កំពុងមានជំងឹជាប់ជាប្រចាំថ្ងៃផងដែរ ។
អំណោយសប្បុរសធម៌ពីក្រុមការងារដែលអ្នកយកព័ត៌មានប្រចាំខេត្តមណ្ឌលគិរីយកទៅជូនគ្រួសារលោកយាយ មានដូចជាអង្ករមួយបាវស្មើរ៥០គីឡូក្រាម មី៥០កញ្ចប់ ទឹកស៊ីអាវមួយយួរ ត្រីខមួយយួរ នឹងថវិការចំនួន១៨ម៉ឺនរៀល ។
ថវិការដែលក្រុមការងារយកទៅជូនដល់ទុរគតជនខាងលើ គឺជាទឹកចិត្តសប្បុរសធម៌របស់បងប្អូនដែលរស់នៅខេត្តមណ្ឌលគិរីមានដូចជាលោក ឌី ជាងឡានស្រុកកែវសីមា ទឹកស៊ីអ៊ីវ១យួរ ត្រីខមួយយួរ លោក សាត ចាន់បុត្រ ភ្នាក់ងារអប្សរាណិតមណ្ឌលគិរី មីមួយកេះ ត្រីខមួយយួរ ថវិការ១០ម៉ឺនរៀល លោក ទីង ស្រុកកែវសីមា ទឹកស៊ីអ៊ីវ១យួរ លោកទៀ ខូវម៉េង មេបញ្ជាការកងអនុសេនាធំទី២ ស្រុកកែវសីមា អង្ករពីរបាវ ស្មើរ១០០គីឡូក្រាម លោក ហួត រ័ត្ន មេបញ្ជាការសឹងរងស្រុកកែវសីមា ថវិការចំនួន២០ម៉ឺនរៀល លោកសែត សារឿន ការសែតសង្គមជាតិ មីមួយកេះ ទឹកស៊ីអ៊ីវមួយយួរ អ្នកស្រីលីន ស្រុកកែវសីមា អង្ករ១បាវស្មើរ៥០គីឡូក្រាម ថវិការ១០ម៉ឺនរៀល លោកឃុន ក្រុងសែនមនោរម្យ ថវិការ២ម៉ឺនរៀល លោកវ៉ាន់ ទិត្យ TV9 ថវិការ១០ម៉ឺនរៀល ចែ តុប អាជីវករលក់ ចាប់ហួយមីមួយ៥០កញ្ចប់ ត្រីខមួយយួរ ។
សូមបញ្ជាក់ថា ការនាំយកអំណោយឧបត្តមដល់ទុរគតជនខាងលើ ក្រោមការផ្តួចផ្តើម សាយ ករុណា ភ្នាក់ងារយកព័ត៌មានកោះសន្តិភាពខេត្តមណ្ឌលគិរី នឹងលោក ម៉ន ម៉ារ៉េត ភ្នាក់ងារយកព័ត៌មានទូរស្សន៏អប្សរាខេត្តមណ្ឌលគិរី ហើយសកម្មភាពមនុស្សធម៌នេះនឹងបន្តសកម្មភាពជារៀងរហូត ។
Post a Comment