រាជធានីភ្នំពេញ ៖ យុវជនម្នាក់ជាកូនមន្រ្តីប៉ូលិសប្រចាំខេត្តតាកែវ បានទាញកាំភ្លើងខ្លីម៉ាករ៉ូឡូ បាញ់សម្លាប់ខ្លួនឯង មួយគ្រាប់ចំសៀតផ្កា បណ្តាលឱ្យរងរបួសធ្ងន់ ត្រូវបានក្រុមគ្រួសារបញ្ជូនទៅសង្រ្គោះបន្ទាន់នៅមន្ទីរពេទ្យមិត្តភាពខ្មែសូវៀត ។ ហេតុការណ៍នេះកើតឡើងកាលពីវេលាម៉ោង៥ល្ងាច ថ្ងៃទី២០ ធ្នូ ២០១៤ នេះនៅក្នុងភូមិខ្វា សង្កាត់ដង្កោ ខណ្ឌដង្កោ ។
យុវជនធ្វើអត្តឃាតដោយបាញ់សម្លាប់ខ្លួនឯងខាងលើនេះមានឈ្មោះ មុំ សុថារេត អាយុ១៨ឆ្នាំ ជាសិស្សថ្នាក់ទី១១ នៅវិទ្យាល័យទួលអំពិល រស់នៅក្នុងភូមិ-សង្កាត់ កើតហេតុ ក្បែរសាលាកិសិកមក្មចំការដូង ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុយុវជនខាងលើត្រូវបានឪពុកស្តីបន្ទោសឱ្យថាកុំឱ្យដើរលែងច្រើន បន្ទាប់មកបុរសជាឪពុកក៏បានចេញដំណើរទៅកន្លែងធ្វើការនៅខេត្ត ហើយទំនងជាភ្លេចកាំភ្លើងនៅផ្ទះ ។ ពេលនោះយុវជនរងគ្រោះក៏បានយកកាំភ្លើងខ្លីរបស់ឪពុកម៉ាករ៉ូឡូ មកបាញ់ប្រហារខ្លួនឯង មួយគ្រាប់ចំសៀតផ្កាបណ្តាលឱ្យរងរបួសធ្ងន់សន្លប់ស្តូកនៅក្នុងថ្លុកឈាម បង្កការភ្ញាក់ផ្អើល ហើយត្រូវបានសាច់ញាតិដឹកបញ្ជូនទៅសង្រ្កោះបន្ទាន់នៅមន្ទីរពេទ្យមិត្តភាពខ្មែរ-សូវៀត ប៉ុន្តែទំនងមិនមានសង្ឃឹមនោះទេ ព្រោះយុវជនរងគ្រោះមានស្ថានភាពរបួសធ្ងរទៅហើយ ។
.jpg)
Post a Comment