ខេត្តត្បូងឃ្មុំ ៖ រថយន្តសាំងយ៉ុងដឹកអ្នកដំណើរពណ៌លឿង១គ្រឿង ពាក់ស្លាកលេខភ្នំពេញ2N-8580បានទៅបុកម៉ូតូ C 125 មួយគ្រឿងពីក្រោយនៅលើកំណាត់ផ្លូវជាតិលេខ៨ ហេតុការណ៍នេះកើតឡើងនៅវេលាម៉ោង១១និង៣០នាទីព្រឹក ថ្ងៃទី២៧ ធ្នូ ២០១៤ ស្ថិតនៅភូមិតាអាំ ឃុំកក់ ស្រុកពញាក្រែក ។ ដោយបណ្តាលឲ្យបុរសអ្នកជិះម៉ូតូរងរបួសធ្ងន់ ចំណែករថយន្តបានបើកធ្លាក់ផ្លូវ ហើយតៃកុងរថយន្ត បានបើកទ្វាររថយន្តរត់គេចខ្លួនបាត់ ។
លោកវរសេនីយ៍ត្រី អោម មុនីវណ្ណ អធិការនគរបាលស្រុកពញាក្រែក បានប្រាប់ឲ្យដឹងថា បុរសរងគ្រោះដែលត្រូវបានរថយន្តបុកនោះ ឈ្មោះពេជ្រ ពិសិដ្ឋ អាយុ៤០ឆ្នាំ នៅភូមិឃុំកើតហេតុត្រូវបានគេបញ្ជូនមកសង្រ្គោះជាបន្ទាន់ នៅមន្ទីរពេទ្យបង្អែកស្រុកពញាក្រែក ។ អ្នកបើកបររថយន្តមិនត្រូវបានគេស្គាល់អត្តសញ្ញាណមិនដឹងនៅទីណានោះទេព្រោះក្រោយពេលកើតហេតុបានបើកទ្វាររថយន្តរត់គេចខ្លួន តែតាមរយៈស្លាកលេខរថយន្តសមត្ថកិច្ចនឹងស្រាវជ្រាវពិតជាស្គាល់ថានៅទីណាហើយ ។
ប្រភពពី:កោះសន្តិភាព
Post a Comment