១. ចាក់អាកុលលើក្រពាត់ស្អាតមួយដុំក្នុងបរិមាណសមរម្យ រួចយកទៅជូតខាងក្នុង និងក្រៅស្បែកជើង។
២. ដាក់ដុំឈើម្យ៉ាងឈ្មោះ cedar blocks ចូលក្នុងស្បែកជើងចោលយ៉ាងហោចណាស់២៤ម៉ោង។ បំណែកឈើនោះនឹងបានស្រូបយកជាតិសំណើម និងបំបាត់ក្លិនអាក្រក់ពីក្នុងស្បែកជើង។
៣. ដាក់ម្សៅក្នុងបរិមាណល្មមចូលក្នុងស្បែកជើង មុនពេលពាក់ពួកវា។
៤. បាញ់ទឹកខ្មេះចូលក្នុង និងក្រៅស្បែកជើង ១០នាទីក្រោយធ្វើបែបនេះម្ដងទៀត។ បន្ទាប់មកជូតសម្អាតស្បែកជើង ដោយប្រើកំណាត់ស្អាត។
៥. ដាក់ស្បែកជើងចូលទៅក្នុងថង់ប្លាស្ទិក។ បន្ទាប់មកដាក់ថង់ប្លាស្ទិកនោះចូលទៅក្នុងទូទឹកកកមួយយប់ ។ ព្រឹកឡើងយកស្បែកជើងទៅហាលក្រោមពន្លឺព្រះអាទិត្យ។
៦. ព្យាយាមរក្សាស្បែកជើងឲ្យនៅកន្លែងស្ងួតល្អជានិច្ច ដោយហាលពួកវាក្រោមពន្លឺព្រះអាទិត្យ ឬទុកស្បែកជើងក្នុងធ្នើរណាដែលគ្មានជាតិសើម។
ប្រភពពី: ehow
Post a Comment